MGA LEKSYON MATERIAL NG S.O.S.
 ANO ANG PAGSISI

ANG PAGSISI AY HINDI -

  1. LAMANG PAGSUMBAT - pagdama ng kasalanan.
    1. Ang pagsisi ay nagsisimula sa pagsumbat ng budhi sa pamamagitan ng gawa ng Banal na Espiritu (Juan 16:8).
    2. Hindi lahat ng nagkasala ay nakakadama ng pagsisi. Ang iba ay nasusumbatan sa pamamagitan ng mensahe, ngunit hindi sila humihinto maski na sila ay nakakadama ng kasumbatan sa kanilang mga maling gawain. Si Felix sa Mga Gawa 24:24-25.
  2. LAMANG DALAMHATI SA KASALANAN - pagdadalamhati sa kasalanan.
    1. Ang ganitong klaseng pagdadalamhati ay dahil sa ang isa ay nahuli sa kasalanan, o nagtitiis dahil sa resulta ng kasalanan. Minsan ang isang tao ay natatakot o nagdadalamhati dahil sa mga ibinunga ng sariling kasalanan, hindi dahil sa siya ay nagsisisi't huminto sa pag-gawa ng ganoong kasalanan. Ito ang tinatawag na maka-mundong pagdadalamhati (2 Co 7:10).
    2. Ang maka-diyos na pagsisisi ay nagbubunga ng pagbabago upang ang isang tao ay maligtas at hindi nagkakaroon ng kasumbatan (o nakakadama na ng kalayaan na nagmumula sa pagpapatawad at pagkakaroon ng pag-asa sa Diyos), subalit ang makamundong pagdadalamhati ay nagdadala ng kamatayan.
  3. LAMANG PAGBABAGO - pagiging isang mabuting tao.
    1. Maraming tao ay nagpupugay na maging mabuti at magbago sa sarili nilang pagsisikap. Pero ang pagpupunyagi sa sarili ay dahil sa sariling pagtutuwid na hindi naman lumalapit sa Diyos upang siya ay matulungan. Dahil dito, ito ay walang tunay na pagsisisi.
    2. Lahat tayo ay naging kaparis ng mga nagkasala, at ang ating mga gawing pagtutuwid ay parang mga maduming trapo; tayo ay natutuyot kaparis ng isang dahon, at kaparis ng hangin tayo ay nadadala ng ating mga kasalanan (Isa 64:6).
  4. PAGIGING RELIHIYOSO - nauuwi sa pag-gawa ng kabutihan at pagka-relihiyoso.
    1. Ang lahat ng ito ay ating mga tangkang takpan lamang ang ating mga kamalian. Kaparis ng mga Pariseo na talagang mga gawing relihiyoso : sila ay nagpapalipas-kain, nagdarasal at sumusunod sa mga seremonyas ng relihiyon, subalit sila ay hindi nagsisipagsisi ng kasalanan (Mat 3:7-10).
  5. LAMANG PAGTANGGAP NG KATOTOHANAN SA KAISIPAN
    1. Ang pagkakaroon ng talino ay hindi nangangahulugan na ang katotohanan ay talagang nangyayari sa buhay ng isang tao. Ang pagsisisi ay nangangailangan ng sadya at tumpak na aksyon na nababatay sa alam na katotohanan.
    2. Ang mga demonyo ay alam ang 'paniniwala' kay Hesus, pero sila ay hindi nagsisisi ng kanilang mga maling gawi. Basahin Santiago 2:19.

ANO ANG PAGSISI -

  1. PATUNGKOL SA DIYOS
    1. PAGSISISI NG KASALANAN SA DIYOS. Ang totoong pagsisisi ay ang pagdadalamhati sa Diyos. "Ako'y kaawaan, O mahal kong Diyos, Sang-ayon sa iyong kagandahangloob; Mga kasalanan ko'y iyong pawiin, Ayon din sa iyong pag-ibig sa akin! Sa iyo lang ako nagkasalang tunay, At ang nagawa ko'y di mo nagustuhan; Kaya may matuwid ka na ako'y hatulan, Marapat na ako'y iyong parusahan." (Awit 51:1,4)
    2. PAGBALING SA DIYOS. Ang tunay na pagsisisi ay ang pagbaling o pagbabalik sa Diyos. Ang Diyos ay nagsabi na kung ikaw ay tunay na nagsisisi ay babalik ka sa Kanya, at Siya ay babalik din sa iyo (Zacarias 1:3).

  2. PATUNGKOL SA KASALANAN
    1. PAGIGING TOTOO SA PAG-ANGKIN NG IYONG KASALANAN. Ang totoong pagsisisi ay ang pag-angkin na ang isang kamalian ay talagang isang kasalanan na nagawa, at hindi nagtatakip o nagbibigay ng iba pang mga rason (Psa 32:5) Ako ay lumapit sa iyong harapan at sala'y inamin, Ang aking ginawang mga pagsalansang di ko inilihim; Pinagpasiyahan kong ang lahat ng ito sa iyo'y idaing, At aking natamo ang iyong patawad sa sala kong angkin.
    2. PAGMUHI SA KASALANAN - (Eze 20:43) Doon, maalaala ninyo ang inyong masasamang lakad at gawain. Dahil dito, masusuklam kayo sa inyong sarili.
    3. PAGHINTO AT PAGTATABOY SA KASALANAN - (Kawikaan 28:13) Ang nagkukubli ng kanyang sala ay hindi mapapabuti Ngunit kahahabagan ng Diyos ang nagbabalik-loob at nagsisisi. At Mga Taga Roma 6:13.

  3. PATUNGKOL SA SARILI - ITITIWALAG ANG SARILI AT NAMUMUHAY PARA SA DIYOS. (2 Co 5:15) Namatay siya para sa lahat upang ang mga nabubuhay ngayon ay huwag nang mabuhay para sa sarili, kundi para kay Cristo na namatay at muling nabuhay para sa kanila.

PAGHAMON: Ang Diyos ay handang magpatawad sa isang taong taos sa puso ang pagsisi. Basahin Mga Gawa 17:30 at 1 Juan 1:9.